مشكلتي: أنا أتعرفت على بنت من ٣ شهور بالضبط على الإنترنت هى كانت ١٤ سنة وانا ٢٣ سنة اتعرفت عليها وارتاحنا لبعض جدا حصل اعجاب وهكذا أول شهر الأمور كانت تمام بعد كده بدأت الفوارق تظهر واللى طبعا كلها بتندرج تحت فرق السن اللى بينا أقصد طريقة التفكير ونمط الحياة وهكذا لكن أنا دايما كنت بقول لنفسى أن ده بسبب أنها لسه صغيره ومع مرور الوقت هتكبر وتنضج فكريا
نيجى للمشكلة الأساسية واللى هى أن البنت مش من محافظتى انا من إحدى محافظات الصعيد وهى من محافظة البحيرة انا مشكلتى الأساسية فى الاختلاف الجغرافى اللى بينا مش فى فرق السن لأن انا والدى أكبر من والدتى ب٨ سنوات واهو الحمد لله بقالهم ٢٦ سنه جواز الحمد لله أيوه صحيح انا مقلق شوية من فرق السن لكن بأذن الله هقدر أتعامل معاه بصراحه انا انجذبت للبنت جدا خاصتا وأنها شكليا جميلة جدا تشبه أميرات ديزني لاند بدون مبالغة وأنها ذات خلق وكمان هى من النوع اللى سابقها سنها من ناحية النمو الجسدى لازم اكون صريح طبعا لكن بالطبع عجبنى فيها صراحتها وقلبها الطيب وأن أهلها على قد الحال زى اهلى كده احنا اتكلمنا بالضبط لمدة 100 يوم بعدها حسيت أن الموضوع صعب وأن التفاهم بينا صعب هى كانت عايزة طول الوقت اهتمام تقريباً اغلب اليوم عايزانى أتواصل معاها لكن أنا مقدرش اعمل كده لأنى بخلص شغل اطلع على شغل تانى حضراتكم عارفين الظروف الصعبة اللى بيواجهها الشباب خاصتا انى متخرج من دراستى الجامعية بقالى 16 شهر بالضبط ونفسى اعمل حاجه لنفسى من الناحية المادية اللى حصل بقى فى أواخر شهر أكتوبر اللى فات ده أنا بدأت اتجاهل رسائلها وأرد متأخر حاولت أفهمها أن ليا وقتى الخاص لكن هى مش عايزانى أتفرج على كرة قدم أو يد وانا بحب النادى الأهلى جدا ومقدرش افوت له ماتش واحد وكمان مكنتش عايزانى اقعد مع اصحابى وكانت بتزعل لما بقعد معاهم فكنت كل مرة اصالحها واقول معلش مع الايام هتكبر وتفكيرها هيكبر بس بصراحه بدأت ازهق وكمان عرضت الموضوع على شيخ المسجد اللى بصلى فيه دايما كان بينا موده كبيرة وطلبت منه النصح هو قال إن من الناحية الدينية مش هينفع تتواصل معاها غير بشكل رسمى بمعرفة أهلها وأهلك وانى لازم تستنى لحد ما البنت تكبر شوية وتروح تتقدملها رسمى انا فكرت فى كلام الشيخ لقيته مقنع حاولت أفهمها كده هى مقتنعتش بكلامى وزعلت جدا قعدنا 3 أيام منتكلمش اليوم الرابع بعتت مسجات كتير واتس وماسنجر انا رديت بس بتأخير فى اليوم التالى حسمت أمرى وعملت لها بلوك من كل وسائل السوشيال ميديا عندى لكن احتفظت بكل شات كان بيننا و قولت لأهلى أن فى بنت عايز اتقدملها بعد سنتين هما معترضوش على أى شىء حتى فى بعد المسافة فهل اللى انا عملته ده صح هل البنت لما ارجع اكلمها بعد سنتين أكون جاهز نفسياً ومعنوياً وماديا للخطوية الرسمية هل هى هتوافق انا عندى يقين بأن نصيبى من ربنا خير كله والحمد لله بس ربنا يعلم انا لا كان غرضى تسلية ولا تضييع للوقت انا مشتت ومش عارف هل بعد السنتين هتفضل هى موجودة انا عندى إحساس بالذنب رهيب تجاهها جاتلى كذا مرة فى احلامى وكل مرة كنت وانا بصلى بدعى ربنا واعيط بين ايديه واقوله يارب أنت عالم بيا مع العلم أن مكنش ليا أى علاقات عاطفية سابقة وصراحتا انا محتاج لبنت فى حياتى وقلبى يميل للبنت دى بشكل كبير ومش عارف اتخطى أى شىء يخصها افيدوني جزاكم الله خيرا وياريت النصائح تكون بشكل محترم وانا متقبل الانتقاد طبعا بس ارجوكم انا كل كلمة كتبتها كانت بصدق
أعتذر جدا جدا للأطالة عليكم